เนื้อเพลง อ้ายฮักเจ้าเด้อ – มนต์แคน แก่นคูน

เนื้อเพลง: อ้ายฮักเจ้าเด้อ
ศิลปิน: มนต์แคน แก่นคูน
อัลบั้ม: สร้างฝันด้วยกันบ่ (ชุดที่ 3)

ถึงความฮักสองเฮาสิก้าวไปต่อบ่ได้
จังใด๋ก็ขอให้น้องฮู้ว่าอ้ายฮักเจ้าเด้อ

จังใด๋ จังใด๋ อ้ายกะฮักเจ้าเด้อ
ถึงแม้ฮักเฮาต้องเจอ คำว่าจบก่อนพบเส้นชัย
น้องเริ่มสับสน เมื่อพบคนลงตัวกว่าอ้าย
เพียงพอต่อการเปลี่ยนใจ เพื่อทางไปที่งดงามกว่า

กะเลือกเขาสา อย่าแคร์ใจอ้ายเลย
รีบค้นหาทางลงเอย ส่วนฮักเฮาเอ่ยแค่คำอำลา
เพื่อเจ้าสดใส อ้ายขอยอมถอนใจไร้ค่า
บอกเขาช่วยเป็นภาระ นำพาเจ้าเดินสู่ฝัน

ข้อความสั้นๆ บอกเลิกผ่านมือถือก็ได้
ถ้าแม้นเขาผู้มาใหม่ ตั้งเงื่อนไขห้ามเราพบกัน
หลักฐานวันเก่า ที่ตกค้างในห้องเช่าเรานั้น
เก็บไว้จะเคืองทางฝัน ฟ้าวทำลายสาอ้ายบ่ว่า

จังใด๋ จังใด๋ กะให้ไปดีกับเขา
จากนี้ในคำว่าเรา สิบ่มีเงาอ้ายคือผ่านมา
ฮักอ้ายแพ้น็อก สิเช็ดเองดอกทุกหยดน้ำตา
ส่งทางด้วยข้อความลา จบด้วยคำว่าอ้ายฮักเจ้าเด้อ

จังใด๋ จังใด๋ กะให้ไปดีกับเขา
จากนี้ในคำว่าเรา สิบ่มีเงาอ้ายคือผ่านมา
ฮักอ้ายแพ้น็อก สิเช็ดเองดอกทุกหยดน้ำตา
ส่งทางด้วยข้อความลา จบด้วยคำว่าอ้ายฮักเจ้าเด้อ