เนื้อเพลง: ฝันดีเด้อหล้า
ศิลปิน: มนต์แคน แก่นคูน
อัลบั้ม: สร้างฝันด้วยกันบ่ (ชุดที่ 3)
กินข้าวแลงแล้วไป่น้อขอเว้านำแน
มื้อนี้บ่ได้มาเทคแคร์ถูกงานตามจี้ โอ.ที.ขวางทาง
กว่าจะเลิกงานถึงห้องเช่าก็ดึกแล้วนาง
แต่ใจที่คิดฮอดจังบอกให้อ้ายกดเบอร์โทรหา
ดาวแจ่มฟ้าอายห่วงหาดวงตาคู่นั้น
อยากได้ยินว่ายังฮักกันก่อนนอนหลับฝันยืนยันสัญญา
บ่ อยากวางสายแต่เกรงใจเข็มนาฬิกา
ฟ้าวนอนสาเด้อน้องหล้าเพราะว่ามื้ออื่นต้องตื่นเฮ็ดงาน
หลับสา หลับตาพักนอนเอาแรง
เปิดใจไว้เด้อคำแพงอ้ายสิแปลงร่างไปเข้าฝัน
ส่งคลื่นความฮักและคึดฮอดไปกอดคุ้มกัน
อ้อมแขนของความผูกพันส่งผ่านไออุ่นไปให้คนดี
ส่วนอ้ายนี้สิสร้างฝันรอวันสองเรา
ตัวไกลใจยังคือเก่าฝันอ้ายมีเจ้าบ่เลือนซักที
สี่ห้องหัวใจอย่าให้ผู้ใด๋แทรกมาแทนที่
ใส่กลอนหัวใจให้ดีเข้านอนคืนนี้ฝันดีเด้อหล้า
หลับสา หลับตาพักนอนเอาแรง
ฝันดีเด้อหล้าคำแพงอ้ายสิแปลงร่างไปเข้าฝัน
ส่งคลื่นความฮักและคึดฮอดไปกอดคุ้มกัน
อ้อมแขนของความผูกพันส่งผ่านไออุ่นไปให้คนดี
ส่วนอ้ายนี้สิสร้างฝันรอวันสองเรา
ตัวไกลใจยังคือเก่าฝันอ้ายมีเจ้าบ่เลือนซักที
สี่ห้องหัวใจอย่าให้ผู้ใด๋แทรกมาแทนที่
ใส่กลอนหัวใจให้ดีเข้านอนคืนนี้ฝันดีเด้อหล้า