เนื้อเพลง อย่าลืมเมืองลุง – กันย์ ธารา
รถไฟสายใต้ เสียงดังโยกย้ายสายตามอง
สีปีแล้วนะที่เฝ้ารอ พี่บ่าวแม่พ่อ เฝ้าคอยท่า
จากไปเรียนราม มุ่งตามหาฝันในเมืองกรุง
ห่างนาห่างทุ่ง อย่าลืมหนังลุงลืมโนราห์
ว่าออ ว่าออ คนที่ม่าวยังหายรอ
ลูกเหรียงลูกตอ ที่ลูกขอลูกยอร้าย
อย่าลืมแกงเผ็ดเหนาะเนียงพอยอดพุงลาย
อย่าลืมกันตรายลงทุนไว้กลางหนอง
น้องอย่าลืมศิลป์ อย่าลืมกลิ่นไหหมากดอง
อย่าลืมใส่ข้อง อย่าลืมปล่องบ่อน้ำฝน
อย่าลืมโพงพางยามน้ำนอง คลองริมหนน
อย่าลืมวัวชน อย่าลืมคนร่วมสานสาด
อย่าลืมหลุมถ่าน ใบเดือยปล้องไหลเคยรูด
อย่าลืมสาดจูด เคยปูให้ใต้โคนหว้า
อย่าลืมลูกขรบ เมกรำชำหม้าวริมนา
อย่าลืมสาดคล้า น้องอย่าลืมท่าแม่ขวัดข้าว
หนังลุงโนราห์ เพลงบอกช่วยพาน้องหลบทุ่ง
อย่าเพลินเดินห้างในเมืองกรุง จนลืมผ้าถุงลืมมุ้งหนำนา
เสียงนกกาเหว่า ยังร้องคอยสาวให้หลบมา
พ่อแก่แม่เฒ่าที่ชรา ยังท่ากานดาให้หลบเริน
เสียงนกกาเหว่า ยังร้องคอยสาวให้หลบมา
หนังลุงโนราห์ยังคอยท่า อย่าลืมเมืองลุง