เนื้อเพลง: ผิดแผน
ศิลปิน: โข่ โอโลโน่
อัลบั้ม: เพลงใหม่ 2559 / 2016
โอ้ล่ะหนอ เว้าเรื่องเมียโอ้ยข่อยซังหลาย
ปานใด๋มันสิตายให้แล้ว ๆ
งึดเด้งึด เมียข่อยเปลี่ยนไป
บ่แม่นผู้ไคร่ผู้ฮู้คือเก่า
จ่มแต่เช้าจักเว้าเรื่องหยัง
บ่อนนั่งบ่อนนอน หมอนมุ้งเสื้อผ้า
ฮกปานว่าบ่แม่นเฮือนคน
เรื่องครัวบ่สนบ่จับบ่ต้อง
เรื่องปากท้องขึ้นอยู่กับผัว
คิดแล้วปวดหัวเฮ็ดงานกะล้า
มาเสียอารมณ์แท้หนอนี้
เป็นจั่งซี่คงสิอยู่กันยาก
เมียปากดีเห็นทีต้องจบ
ขั้นสิตบกะย่านเพิ่นสู้
ไปหาหมู่เว้าสู่มันฟัง
สิเฮ็ดจั่งใด๋กับเมียคนนี้
หมู่กะบอกวิธีจั่งซี่ต้องฆ่า
ให้ไปปรึกษาผู้ฮู้กฎหมาย
ไปหาทนายส่าเด้อเพื่อน
หลังจากได้คำชี้แนะ
มื้อนี้แหละอีเฒ่ามึงตาย
สิได้บาย ๆ สิ้นเวรสิ้นกรรม
ตกแลงกะนำยกหนึ่งยกสอง
เมียจองหองมันดิ้นมันสู้
มาหยุดอยู่ยกสามยกสี่
เห็นทีมื้อนี้มันคงบ่ตาย
ข่อยกะเหมื่อยหลายคิดอยู่ในใจ
มื้อนี้บ่ไหวมื้อใหม่ยังมี
คิดดีแล้วข่อยกะเผลอหลับไป
ฮู้สึกโตตอนไก่มันขัน
หันหาเมียกะบ่พบบ่พ้อ
ล้อมันหลายฮือหนีไปตายทางอื่น
คิดแล้วยืนย่างออกจาห้อง
ม่องเคยฮกกะสะอานสะอ้าน
ถ้วยจานบ้านส่องจัดเป็นระเบียบ
เทียบกับมื้อวานเป็นคนละอย่าง
มาสางต่างเป็นสีแปลก ๆ
กลิ่นปลาแดกหอมมาแต่ไกล
แม่นผู้ใด๋เฮ็ดหยังล่ะหนอนี้
โอ้เด้เมียเอย เมียเอ๋ย
คนเคยซ่อนบ่อน คนเคยนอนเคียงข้าง
คนเคยย่งดอกนำกัน
ขั้นเป็นจังมื้อวานนี้
มื้อวานนี้สิหนีไปหาเอาผู้ใหม่
แต่มื้อนี้อ้ายได้ อ้ายได้เมียเค้าดอกคืนมา
สุขอุราก็เพราะว่าแผนฆ่าเมีย
บีมีเสียแถมได้เมียคนเก่า
บ่มีเสียแถมได้เมียคนเค้า
ข้อมูลลิขสิทธิ์
คำร้อง/ทำนอง/เรียบเรียง: สังวาล ศาลางาม
สังกัด: ศาลา เรคคอร์ด ขอนแก่น