เนื้อเพลง: เสี่ยวฮักหักเหลี่ยมใจ
ศิลปิน: ท๊อป มอซอ
อัลบั้ม: เพลงใหม่ 2566 / 2023
ล่ะแข้นในใจ แน่นอิ้งติ้ง แน่นอิ้งติ้ง
เมื่อได้ฮู้ความจริงยอดหญิงน้อง เป็นแฟนหมู่
ล่ะหลงฮักนาง มาดนอยู่
จั่งได้ฮู้ คือแฟนเพื่อน สะเทือนเด้
ใจพี่ชาย เออ เอย
ล่ะเสือตัวหนึ่งจั่งบักอ้าย
ล่ะเสือตัวหนึ่งคือบักอ้าย
ใจหมายคู่ต้องสมหวัง
สิเอานางมาเคียงกาย
เสี่ยวฮักแพงส่ำได๋
กะบ่ขอ ดอกยอมแพ้ เออ เอย
หลีกทางสาเพื่อน
ให้โตหลีกทางเฮาสา โตกะฮู้อยู่หนา
ว่าเฮากับเขามีใจ
มันแม่นติหมอ บ่แม่นเฮาบ้อ
ที่ฮักเขาหลาย เฮากะมีหัวใจ
ฮักหลาย บ่น้อยกว่าโต
ป๊าดทิโธ่ สหายคือเว้าใหญ่คักแท้
เอาบ่บักฝ่า สิดึกเข้าบักแต้
ลองเบิ่งถะแม้ คั่นว่าโตเก่ง
เอาบ่จักไฟส์ อยากฮู้หลายไผสินักเลง
ในหมู่บ้าน เฮานิล่ะโตเป้ง
ความเป็นนักเลง บ่เคยย้านไผ
แค่ปัญหาใจ โตอย่าเว้าไปฮอดเรื่องตีฆ่า
สิเอาจั่งได๋ ผู้สาวคนนี้น้า
กะจั๋งว่า เฮาฮักเขาเบิดใจ
ขอได้บ่เพื่อน
คงบ่ได้ดอก คั่นเรื่องของหัวใจ
เฮาแอบฮักเขา มาแต่น้อยจนใหญ่
ให้โตถอยไป หลีกทางสาเพื่อน
ล่ะเฮาขอเตือนโตไว้
เฮาขอเตือนโตไว้ บ่อยากเว้าหลาย
ย้านเสียความเป็นหมู่ เฮาฮักเขาไผ ๆ กะฮู้
เรื่องโตฮักเขา ผู้ใหญ่ยังบ่ฮู้
แต่เฮานี้สิแต่งดอง
ย่างเดือนสิบสองลมหนาวเย็นจ้อย หัวลมวอย ๆ
คือมื้อนั่น เฮากับเขาสิเข้าหอกัน
เซาฝันเออเอย
อิหลีติเพื่อน ดีแล้วที่เตือนสติเฮาไว้
เกือบแม่นเฮาสองคนผิดใจ
แค่เรื่องขี้ไก่เกือบเฮาได้ขาดหมู่
บ่ดอกสหาย เฮาเฮ็ดบ่ได้
ตัดเสี่ยวขาดหมู่
เฮาบ่อยากมีแล้วเนื้อคู่มีโตเป็นหมู่
กะส่ำได้คู่ใจคักสุดแล้ว
ว่าแล้วกะขอโทษเด้อเพื่อน
ว่าแล้วกะขอโทษเด้อเพื่อน
ที่เฮาเว้าเฉือนใจโตหลายเทื่อ
บ่เป็นหยังหมอ เฮาก็คิดก่อนเพื่อน
ขอโทษโตอีหลี ที่คิดบ่ดีแย่งแฟนของเพื่อน
ขอบคุณที่เตือนสติเฮาไว้
ให้โตทั้งสองสุขสมหวังหัวใจ สาเด้อเพื่อน