เนื้อเพลง: ลำซิ่งมหาศรัทธา
ศิลปิน: กู่แคน
อัลบั้ม: เพลงใหม่ 2565 / 2022
สถานีพื้นเมืองฟ้าวัดพุทธวนาราม
ตำบลเกิ้ง อำเภอเมืองมหาสารคาม
คนเทียวยามบ่มีเว้น
วัดป่าวัดป่าวังน้ำเย็นไดเป็น หม่องซ่นฮ่ม
เบญจางคประดิษฐ์กราบก้ม
พระอาจารยสุริยันต์ โฆสปัญโญ
ขอบูชาบารมีธรรมของเพิ่น
ให้นำกุ้มนำเหลี่ยมปกปักรักษา
รักษาแบบใด๋ รักษาจั่งใด๋
คือเอาธรรมมะของเพิ่น
มารักษากาย รักษาวาจา รักษาใจ
บ่ให้ประมาท ในบุญในบาป
ในศีลในธรรม คือบ่ให้ประมาทในชีวิต
เมื่อครั้งหนึ่งเฮาได้เกิดมาเป็นคน
ได้ฮู้จักกับพุทธศาสนา
ให้พากันตั้งจิตตั้งใจเฮ็ดหน้าที่ของตน
ด้วยความพยายามพากเพียร
คนสิเจริญร่ำรวยฮังมีดีได้
เพิ่นว่าคนผู้นั้นจะต้องมีสัจจะ
บ่หลงผิดแยกแยะฮู้เสมอด้ามดั่งดี
ให้ถือเอาสัจจะนี้เป็นแก้วแก่นสิ่งมงคล
ผลาใหญ่บุญกุศลพาฮุ่งเฮืองภายซ้อย
โลกมันค่อยเสื่อมไปหน้า
แต่สัจจะนั้นบ่ตาย บ่มีเศร้าดอกหมองเก่า
กราบมหาเจดีย์ศรีมหาสารคาม
กราบอาจารย์วัดป่าวัดป่าวังน้ำเย็นเด้อเป็นเค้า
ย้อมือขึ้นละรึกพร สาธุเด้อ
ขอบุญผลาแห่งวัดป่าวังน้ำเย็น
ขอให้ลูกหลานพ้นทุกข์ภัยเข็ญ
เวรฮ้ายอย่ามาผ่าน
หน้าที่การงานราบรื่น กราบขอพรนมัสการ
มหาเจดียศ์รีมหาสารคาม
ลูกขอตั้งจิตอธิฐาน ขอให้ได้สมใจคึดแหน่เด้อ
ยอมือขึ้นแล้วว่า สาธุเด้อ สาธุเด้อ
ขอให้อยู่ดีมีแฮง สาธุเด้อ ขอให้สมมาดแมง
แลงเซ้าอยู่ส่ำบาย
ยอมือไหว้ วันทายกใส่เกล้า
เอาศรัทธาน้อมเข้าใจใสเหลี่ยมต่อทาน
จาคะนั้น สแตนดาร์ด ความดี
จุด สตาร์ท บารมีที่กินทานนำเพิ่นนั้น
ได้เห็นประจักษ์มั่นพุทธสถานล่ำค่า
สารคามบ้านฟ้า วัดป่าวังน้ำเย็น
เป็นบุญตาครั้งหนึ่งได้มาเห็น
ในศรัทธาบารมีผู้เพียรธรรมครูจารย์ท่าน
วัดพุทธวนารามงามจับจิต
พลังศรัทธาเนรมิตบุญหนักโข
พระอาจารย์สุริยันต์ โฆสปัญโญ
ขอนอบน้อม มโน กายวาจา
หนีร้อนมาพึ่งวัดป่าวังน้ำเย็น
ตอนนี้ ตอนนี้ ในตอนนี้ มโนใจใสซื่น
วันคืนผ่านพ้น สุขล้นกะผ่านไป
ทั้งความทุกข์ที่แบกใส่คอไว้
คอไว้ สลับเปลี่ยนเวียนกัน
ปนกันไปรสชาติของชีวิต ชีวิตที่ได้พบพานพ้อ
เอาละน้อห่านี้ให้มีธรรมอย่าไกลห่าง
ทางสายกลาง มัชฌิมาคองตั้ง คองตั้ง
ให้หาหว่างพอดี บ่ขี้ถี่ให้กินแน่ทานนำ
ถือคองธรรมถือเอาสามัคคี สามัคคีซ่อยกันเพียงพร้อม
ต้อมมเอากันมันจั่ง เป็นตาเบิ่ง
ผู้เถิงธรรมจิตแก้วกล้าเมตตาธรรมค้ำฟ้า
เมืองบ้านอยู่เย็น
มีทานแล้วก็ให้มีศีล มีศีลให้มีภาวนา
รักษากายวาจา ทาน ศีล ภาวนา
ชีวิตสั้นหนักหนาบ่มีไผค้ำฟ้าให้พากันสังฮอม
ซอมให้ ดีเบิ่งหัวใจของเฮา
อย่าเอาไฟมาสุมตื่มเปลวไฟฮ้าย
ใจเสียหายตันตื้อ อย่าถือด้น ไฟใส่
ไฟโทสะไฟโมหะทั้งหลาย
มันสิเผาไหมฮ้อนนอนกลุ้มอยู่บู่สุข
กายมีทุกข์มีป่วยมีเจ็บ
ใจมีทุกข์มีสูนมีพาล มีพาล มีเศร้า มีโศก
หม้อนรกตกแต่ยังบ่ทันตาย
อย่าให้ภัยฮ้ายยความหลงพาเสียท่า
โอ่ยเดน้อ ท่านเอ้ย เอิ่งเอ่ย เอิ่งงเอ่ย
เด้อท่านเด้อ เด้อท่านเด้อ เด้อๆ ท่านเด้อ
บูชาคุณพระศาสดา เคารพธรรมพระศาสนา
พุทธะธรรมะ สังฆะ ไตรสรณะหละยกขึ้นบูชา
วันพระกะให้หาโอกาส รักษาศีลบ่ประมาท
เฮ็ดวาสนาให้ดี ให้ทานสร้างบารมี
คันคักอิหลีกะแม่นภาวนา มีศีลแล้วกะให้มีปัญญา
มีความเป็นมนุษย์ มีความเป็นคนท่อกันเทียมเท่า
องค์สัมมาเทศนาตรัสเว้า ตรัสเว้า
บ่มองคนต่ำค่า สิผู้ดีผีบ้า ผีบ้ากะเป็นคนคือกัน
บ่ได้แบ่งเด้อละแม่นชนชนชั้น ชนชั้น
สิกษัตริย์หรือพราหมณ์
สิมียศหรือว่าเป็นจัณฑาล บ่ให้ข่ม
เหงกัน ผู้เบียดเบียนเวียนบาป
หลงกายหยาบบ่ได้พาหลุดพ้น
หลงหัวโขนหลงตนแฮ่งพาคนใหใจ้
โง่ ลดทิฐิความ เย่อหยิ่งถือโต
มีมโนนอบน้อมกะแม่นสร้างบารมี
พระนักพัฒนาแห่งเมืองตักกะศิลามหาสารคาม
คุณงานความดีเพิ่น ลูกศิษย์ได้กล่าวขาน
มอบรถโรงพยาบาล 14 คัน
ยอกกฐิน 114 ล้าน อนุโมทนาสาธุการนำเพิ่นครับ
ขอกราบไหว้เทิดทูนบูชาวัดป่าวังน้ำเย็น มหาสารคาม
อศัจรรย์พุทธสถาน วัดพุทธวนารามเด้อ ตำบลเกิ้ง
อําเภอเมืองมหาสารคาม ดินแดนพุทธมณฑลอีสาน
เลื่องลือบารมีกล่าวขาน พระอาจารย์สุริยันต์ โฆสปัญโญ
ขอน้อมกายนอบน้อมมโน เทิดทูลวันทา บารมีองค์ท่าน
ใหคุ้มภัยลูกหลานขอพรบันดล
คุ้มภัยให้ลูกหลานขอพรบันดล
เหรียญมหามงคล คล้องคอคล้องใจ
เหรียญรุ่นรวยทันใจ
ให้ระลึกเทียมขวัญการงานเรียกทรัพย์
รับเงินคําสมใจ มาดแม้งแลงเซ้ารับแต่เงิน
เหรียญเจริญพรมังกรคู่นั้นเอิ้น
เสริมอำนาจบารมีหนุนส่ง
ให้มีใจคงสัจจะเที่ยงตั้งคงมั่นบ่หวันไหว
ล่ะหนานั้นนา นวลในนี้น่า ล่ะหนาผู้นวล ๆ หน้า
เหรียญชูชกรุ่นรวยเงินล้าน
แฮ่งบ่ขี้ค้านแฮ่งขยัน แฮ่งได้
สมจิตสมใจปารถนาวัดป่าวังน้ำเย็น
บ่อนเลอค่าฮ่มโพธิ์แก้ว