เนื้อเพลง แด่…พ่อพงษ์ศักดิ์ – สลา คุณวุฒิ

เนื้อเพลง: แด่…พ่อพงษ์ศักดิ์
ศิลปิน: สลา คุณวุฒิ
อัลบั้ม: เพลงพิเศษ 2558 / 2015

ด่วน บขส. กับหัวใจรอจากสาวอุบล
คอยฮักใต้กกกะโดน หนองหานรอน ๆ เมื่อตอนแลง ๆ
ดอกอ้อริมโขง ค่ำลงหอมผักกะแงง
พ่อครูร้อยคำปั้นแต่ง เติมฮักเติมแฮงให้คนบ้านเฮา

แผ่นดินแล้งเหงา ยังหลอมความเศร้า เติมแฮงยิ้มหวาน
เพลงโขง ชี มูล ผูกพัน บ่าวสาวอีสาน สอบผ่านความเหงา
ทุกฮอยปากกา ใช้หมึกน้ำตาขัดเกลา
มนต์เพลงอีสานบ้านเฮา หม่วนซื่นปลุกเร้า หมู่เฮาบ่คลาย

โอ่ โฮ้ ละหนอ เสียดายสรรค์บ่รอ
บ่ยอมให้พ่อสร้างงานต่อไป
เขียนชื่อพ่อครูพงษ์ศักดิ์ สลักแผ่นดินอีสานอาลัย
หอเกียรติยศหัวใจ สิจดชื่อไว้มิให้เสื่อมสูญ

มนต์ฮักแม่มูน มาถึงวันคูนหล่นดอกสุดท้าย
ดังเหมือนมีดคว้านโหนกใจ กุดจี่ร้องไห้ใส่แมงจีนูน
ขอโทษพ่อเด้อ หากเผลอหลั่งน้ำตาส่งบุญ
พ่อเหนื่อยแล้วหลับลืมเรื่องวุ่น ฝากคำค้ำคูนส่งทางพ่อเด้อ

โอ่ โฮ้ ละหนอ เสียดายสรรค์บ่รอ
บ่ยอมให้พ่อสร้างงานต่อไป
เขียนชื่อพ่อครูพงษ์ศักดิ์ สลักแผ่นดินอีสานอาลัย
หอเกียรติยศหัวใจ สิจดชื่อไว้มิให้เสื่อมสูญ

มนต์ฮักแม่มูน มาถึงวันคูนหล่นดอกสุดท้าย
ดังเหมือนมีดคว้านโหนกใจ กุดจี่ร้องไห้ใส่แมงจีนูน
ขอโทษพ่อเด้อ หากเผลอหลั่งน้ำตาส่งบุญ
พ่อเหนื่อยแล้วหลับลืมเรื่องวุ่น ฝากคำค้ำคูนส่งทางพ่อเด้อ

พ่อเหนื่อยแล้วหลับลืมเรื่องวุ่น จดจำบุญคุณที่พ่อหล่อหลอม
หากผักกะแงงยังหอม โลกสิบ่ยอม ลบเลือนชื่อครู

ข้อมูลลิขสิทธิ์
คำร้อง/เรียบเรียง: à¸ªà¸¥à¸² คุณวุฒิ
ทำนอง: พงศักดิ์ จันทรุกขา