เนื้อเพลง อยากเมือบ้านเฮาเด้ – มนต์แคน แก่นคูน

เนื้อเพลง: อยากเมือบ้านเฮาเด้
ศิลปิน: มนต์แคน แก่นคูน
อัลบั้ม: สร้างฝันด้วยกันบ่ (ชุดที่ 3)

เลิกงานยามแลงตะเว็นแดงลับดงตึกสูง
ใจลอยอยู่ในเมืองกรุงไปถึงทิวทุ่งท้องนา
คึดฮอดแม่พ่อซำบายบ่น้อยามลูกจากมา
ฝาเฮือนแอ้มตองมุงหญ้าหลับตายังจำฝังใจ

มาอยู่เมืองไกลบ่อุ่นใจคืออยู่บ้านเฮา
หาปลานาวานเกี่ยวข้าวผองขึ้นเล้าลาบขมต้มไก่
หนาวหมอกจางๆ ไอดินกลิ่นฟางยังค้างในใจ
หอมเอยหอมกลิ่นข้าวใหม่น้ำตาสิไหลยามคึดฮอดบ้าน

คึดฮอดเฮือนชานป่านนี้เป็นจั่งใด๋หนอ
ขอเพิ่นไว้ก่อนเด้อพ่อหนี้ ธกส.กองทุนหมู่บ้าน
ยังหาบ่ได้ค่าแรงจากนายใช้วันต่อวัน
แต่คงรออีกบ่เนิ่นนานความฝันคงยืนข้างเรา

ก่อนหลับตานอนขอพรจากรูปแม่พ่อ
พรุ่งนี้สิไปสู้ต่อเหนื่อยท้อลูกสิอดเอา
ฮอดมื้อผ้าป่าตรุษจีนพุ้นเด้อสิเมือบ้านเฮา
พร้อมหน้ากันอยู่พาข้าวมีสุขมีเศร้าเว้าสู่กันฟัง

ก่อนหลับตานอนขอพรจากรูปแม่พ่อ
พรุ่งนี้สิไปสู้ต่อเหนื่อยท้อลูกสิอดเอา
ฮอดมื้อผ้าป่าตรุษจีนพุ้นเด้อสิเมือบ้านเฮา
พร้อมหน้ากันอยู่พาข้าวมีสุขมีเศร้าเว้าสู่กันฟัง