เนื้อเพลง ซังตี้จังหนีอ้าย – มนต์แคน แก่นคูน

เนื้อเพลง: ซังตี้จังหนีอ้าย
ศิลปิน: มนต์แคน แก่นคูน
อัลบั้ม: ยังคอยที่ซอยเดิม (ชุดที่ 1)

ฮ้องไห้ ตามหาแฟน
จัก ว่าแฟน ข่อยหายไปไส
มื้อวาน ปลูกมันอยู่ไฮ่
เพิ่งหนีไป ตอนเที่ยงคืน
บ่ฮู้ละต้นปลาย สายเหตุ
แม่นไผเฮ็ด ให้ขมขื่น
จึงหนี ไปกลางคืน
หรือขวัญยืน มีคนนำพา
หรือขวัญยืน มีคนนำพา

ลืม แล้วบ่ น้อแฟน
ที่อ้ายหมกแลน ใส่เห็ดตีนแฮด
ให้กิน ละหวั่งสิ้นเดือนแปด
นั่งหลบแดด ใต้ต้นตูมกา
เคยเก็บหมากหนามคอม
มายิงกะปอม ละที่หัวโนนนา
ลืมลง ละซั่นบ่น้องหล่า
มื้อเฮาสาปลา ละอยู่โสกขี้เห็น

อ้ายยัง จับแมงบ้งหาญ
ไล่ตอดนงคราญ หลอกกันเล่น ๆ
น้องกลัว ละจนตัวสะเหม่น
ผลักอ้ายกระเด็น เข้าหนามงัวเลีย
กว่าที่ จะออกมาได้
ปลดหนามแทบตาย ถีถักถีเถีย
อยู่ในละพุ่มหนามงัวเลีย
บินยัวเยีย ต่อแตนก็หลาย

แต่อ้าย ยังฮักคนดี
ถึงแตนตอดพี่ สิล้มสิตาย
แต่น้อง นั่นตี้ซังอ้าย
หนีจากไป บ่สั่งจักคำ

ใช้อ้าย ไปเก็บใบส้มลม
ว่าอยากกินส้ม พี่ก็เฮ็ดนำ
เก็บหมาก ขามป้อมมาตำ
ตัดข่าลำ ละมาตำเมี่ยงกิน
แล้วไป เก็บหำบักมี่
บ่คิดเห็นตี้ อยู่สวนลุงอิน
อ้ายตก ปากคาบขี้ดิน
เจ็บจนวิน กะย้อนฮักน้องแก้ว

จักเคียด จักขมให้ไผ
จึงหนีไป ละบ่ฮู้วี่แวว
ม่องใด๋ ละกะไปหาแล้ว
บ่พบน้องแก้ว เอวกลม
หากน้อง ได้ยินเสียงอ้าย
ให้กลับมาไว ละอยู่ไสตาคม
กลับมา ละกินหมกเห็นอ้ม
มากินกล้วยบ่ม บ้านเฮา

อ้ายหมดทางตามหา
ย่างก้มหน้า ละกลับมาบ้านเก่า
หากน้อง ยังฮักแฟนเข้า
กลับเถิดนงเยาว์ ละแฟนเจ้ายังรอ

ใช้อ้าย ไปเก็บใบส้มลม
ว่าอยากกินส้ม พี่ก็เฮ็ดนำ
เก็บหมาก ขามป้อมมาตำ
ตัดข่าลำ ละมาตำเมี่ยงกิน
แล้วไป เก็บหำบักมี่
บ่คิดเห็นตี้ อยู่สวนลุงอิน
อ้ายตก ปากคาบขี้ดิน
เจ็บจนวิน กะย้อนฮักน้องแก้ว

จักเคียด จักขมให้ไผ
จึงหนีไป ละบ่ฮู้วี่แวว
ม่องใด๋ ละกะไปหาแล้ว
บ่พบน้องแก้ว เอวกลม
หากน้อง ได้ยินเสียงอ้าย
ให้กลับมาไว ละอยู่ไสตาคม
กลับมา ละกินหมกเห็นอ้ม
มากินกล้วยบ่ม บ้านเฮา

อ้ายหมดทางตามหา
ย่างก้มหน้า ละกลับมาบ้านเก่า
หากน้อง ยังฮักแฟนเข้า
กลับเถิดนงเยาว์ ละแฟนเจ้ายังรอ