เนื้อเพลง ลำมัจฉาฮิโนกิ – จ๋า เกวริน

เนื้อเพลง: ลำมัจฉาฮิโนกิ
ศิลปิน: จ๋า เกวริน
อัลบั้ม: เพลงใหม่ 2565 / 2022

โอละนอ
ป่าลาแก้มพี่น้องป่าลา
คอนนิจิวะ แปลว่า สวัสดี
อีนางนาฏนารีอยู่แดนที่ ญี่ปุ่น
แก้มกะสีจูนพูนงามเลิศโสภา
ฉันเป็นนางมัทฉาซื่อว่า ฮิโนกิ
คิ้วคาดโค้งซิกงิ แข่วหว่อง ดังโม
ทางพิสบกะโป ขาโขง ก้นขอด
งามไปเบิดตลอดงามฮอดส้นหน่อง
วาจานั้นกะค้องค่องยามป้อยด่าคน
นางนี้เป็นฮ้อนฮนย้อนความฝันคิดมาก
ฝันเห็นพญานาคหลากสีเกี้ยวก่าย
ตั้งแต่น้อยจนใหญ่บ่เคยพ้อพบพาน
นางนี่เกิดสงสัย คือสิอยู่ใน
ด้านมหาสมุทรแปซิฟิก ทะเลก้วง
โอย ละน้อ ว่าแล้วสุบหางแหว่งแยงคีง
แล้วเลสโก (let go)

(เดินกลอน)
ละแม่นว่าเด้อนาย คาวนี้ได้ว่ายออกจากที่
ฮิโนกิ มัทฉาน้อยลอยล่องทะเลหลวง
นาวาก้วงเขตข่วงแปซิฟิก
กระดิกหางกลางวังเวินเพลิดเพลินพระทัยน้อง
มองเบิ่งก้ำฝูงฉลาม หรือว่า shark
ผัดบ่มีพยานาคคือด้ามดั่งฝัน
ว่าแล้วดั้นดันดุ่งลอยหา
เห็นหมู่ฝูงโลมาตบตีบอลเลย์
เฮโฮฮ้องฟองฟาดเฟือดขุ่น
แมงกระพรุนและม้าน้ำโชว์กล้ามตีมวย
เฮ็ด อ้วยซ้วยนวยหน่อประการัง
แกะขี้ดังให้ปลาทูแล้วถูสบู่ให้โอโทโร่
ปลานีโม้นอนนาเลี้ยงไก่
นางจั่งลอยเข้าไกล้เลยเอิ้นเอ่ยถาม

(ลำเดิน)
ฉันมีนามว่า ฮิโนกิ
ลอยมาจากถิ่นที่ญี่ปุ่นเอเชีย
วนว่ายตามท่อน้ำเสีย
ร่างกายอ่อนเพลียกว่าจะถึงทะเล
เดี้ยนตามหาพยานาค
สุดแสนลำบากมาหายากแท้เด
เห็นแต่ปลากระเบนดังเป
พวกปลาซิวละเทตีปิงปองอยู่กับปลิง

ถือว่าเอาบุญสาหล่า
ให้บอกพี่มาถ้ารู้ความจริง
เดี๋ยวตักตบด้วยสวิง
แล้วเอาไปย่างปิ้งให้งูสิงกินใต
นีโม้ก็กลัวตัวสั่น
แล้วจึงวาจาลั่นเร็วพลันบอกไป
แปซิฟิกมีพยานาคซะที่ไหน
ต้องไปเมืองไทยถึงจะได้เจอะเจอ

(เดินกลอน)
thank you เด้อเสนอคำบอกกล่าว
นางกะลอยฟั่งฟ้าวทะยานมุ่งมุดหา
ฮอดเบื้องหน้าป้ายว่าอ่าวไทย
ได้พักเถียงพี่ปลาวาฬเพิ่นเลี้ยงฟาร์มหมูน้อย
พลอยพักยั้งเลยนั่งกินข้าวเที่ยง
อีนางน้อยก่ำเกี้ยงอิ่มแล้วกะเหล่าหนี
ฮอดหว่างนี้เป็นที่ศาลา
เห็นแต่อาวปลาหมึกเพิ่นนั่งสานติ๊บข้าว
ขอถามเจ้าเด้ออาวอย่าฟ้าวว่า
ดิฉันขอถามว่าพญานาคอยู่ใส
ปลาหมึกได้หัวเราะขำขัน
ตั้งแต่ฉันเกิดมาบ่เคยเห็นพอดี้
มีแต่เอี่ยนน้อยลอยวนน้ำแก่ง
อย่าสิมาแถลงเว้าเด้อเจ้าฮิบฟ้าวหนี
โตนางนี้เสีย self พอประมาณ
มาสงสารโตกูบู๋มาไกลล้ำ
มองดูก้ำเห็นดำ ๆ ลอยเสิ่น
อีนางเลยเวิ่นพุ่งทะยานมุ่งโดยไว
พออยากไห่ดิ้นตายคาหนอง
เห็นแต่ฟองสีดำผัดแม่นเรือดำน้ำ
เรือดำน้ำไทยแลนด์ขี้กระต่าย
เครื่องบ่มียิงบ่ได้แม่นไผซื้อห่ามึง
นางนั่งซึ้งโศกาเหลือแสน
มาไทยแลนด์บ่เจอดอกเด้อพญานาค
มีอย่างมากเรือดำน้ำขี้กะเถ่อ
ลอยทะเลเฮ็ดเพ้อเว้ออีนางเก้อนั่งขำ
นั่งขำอีนางเก้อนั่งขำ
สมควรล้ำจบบั้นประพันธ์กลอน
อาริกาโต๊ะ โกไซมัส