เนื้อเพลง ลำพื้นลิลลี่ชมสวน – จ๋า เกวริน

เนื้อเพลง: ลำพื้นลิลลี่ชมสวน
ศิลปิน: จ๋า เกวริน
อัลบั้ม: เพลงใหม่ 2565 / 2022

(เกริ่น)
ฟังสิต้านกล่าวซี้ สาวลิลลี่ผู้งามค่อง
อนงค์นวลนาฏน้อง สง่าล้ำหลื่นคน
ไผกะส่าจ้น ๆ ถ้วนทั่วปฐพี
ยังบ่มีคู่แฝง อยู่ดมซมซ้อน
น้องนั้นเกิดออกฮ้อน บ่ส่วงเซาในไส้ติ่ง
เจ็บในคีงในเนื้อ หมอแก้กะบ่เซา
ยายเจสซี่กะเลยเว้า ให้นางเหล่าซมสวน
จั่งสิจวนจรพบ เสน่หาเป็นยาแก้

(ลำพื้น)
ลิลลี่หล่าหาซมสวนม่อน
พอบรรเทาเดือดฮ้อนคีงเจ้าให้เหล่าหาย
ซาวเอาได้กุชชี่ใหม่มาสวม
นางกะพวมแอ่นกายป่ายลงจากปอร์เช่
โอ๊ยนั่นเด้นั่นคือหมากแตงซ้างยายนำทางถ้วนถี่
มีเทิงหมากเซอร์รี่แดงจ้าเต็มสวน
มีมากล้วนแอปเปิ้ลกีวี่
พออยากลีลาลัดล่วงซิมน้ำลายย้วย
อุ๊ย นั่นกล้วย นั้นกล้วยฮวยหอมเป็นกะต่า
จักว่ากล้วยน้ำว้าตานีพร้อมพ่องดม
หย่างแล้วก้มซมส่องแตงโม มีอะโวคาโด
จนว่าโตอยากบ่มไว้

มวลมากล้นผลไม้หยายห่าง
นางผัดหย่างตกส่างคาจ้องเบิ่งซาย
นางนี่ได้ฮ้องใส่แว ๆ เอากูขึ้นทะแม้ ห่าลงมึงเอ้ย
ท้าวยิ้มเป้ย ยิ้มเป้ย ล่วงเลยดั้นด่วน
ซ้วนเอามือนาฏหล่าจ้องน้าวเหล่าหอม
อาการน้องว่าเจ็บเนื้อในคีง
แนวว่าเจ็บไส้ติ่งกะส่วงเซาหายจ้อย
ลิลลี่น้อย ลี่น้อยกะพลอยซาวบักนาวเหว่อ
ยื่นให้พี่ปีเตอร์เสนอมอบขอบคุณ
เรื่องวุ่น ๆ มลายลับสลับดี
ย้อนซมสวนเทื่อนี้ จั่งได้มี น้อผัวจ้อย

---

ลิขสิทธิ์
คำร้อง: เกรียงเดช ผลทวี
เรียบเรียง: วิทวัส แสนเริง