เนื้อเพลง นกจาบ (ฮำฮอน) – ยอด ชยพล

เนื้อเพลง: นกจาบ (ฮำฮอน)
ศิลปิน: ยอด ชยพล
อัลบั้ม: เพลงใหม่ 2564 / 2021

น้ำตาย้อยลงดินกลิ่นไอบ่จาง
วาสนานกจาบฮ่างแพ้นกเขาคู่
เสียงจุ๊กกรูจุ๊กกรูบินคู่ไปนำเขาจ้อย

คักแท่หนอ มึงคือใจดำแท่
นี่แมนบ่เขาเอิ้นอีกา
อ้ายบ่ขันคูมันกะเลยเอิ้นเจ้าบ่มา
ลืมดินบินเจ้ยเทิงฟ้า คู่พญาบ่ฮำฮอน

นกจาบจ้อยแพ้นกเขาตู่
บ่คืนคู่ซู่เก่าบ่คืนคอน
คืนมาสาเจ้าอย่าสิจากจร คืนมา คืนมา
นกจาบจ้อยเอิ้นคู่กะบ่หัน
ใจอ้ายมันฮำฮอน ยังฮำฮอน
นกจาบแม่บอกคืนฮังนอนบินเจ้ยเจิดหนี

บินถลาคาบเหยื่อใจอุ๊กอัง
ถ้าเจ้ายังบ่มาใจอ้ายสวอย
นั่งถ่าคอยซู่เก่าเทิงงาไม้น้อย
แหงนคอยบ่เห็นเจ้ามา

คักแท่หนอ มึงคือใจดำแท่
นี่แมนบ่เขาเอิ้นอีกา
อ้ายบ่ขันคูมันกะเลยเอิ้นเจ้าบ่มา
ลืมดินบินเจ้ยเทิงฟ้า คู่พญาบ่ฮำฮอน

อยู่แจใด๋ พญาดงพงษ์ใหญ่ไพศาล
ให้ต่าวคืน..เมือบ้านอ้ายนี้ยังคองถ่า
นกจาบจ้อย..ผู้คิงน้อยให้บินเซินเวินมา
ฮ่องสั่งลม สั่งฟ้าลอยไปให้เจ้ายิน

นกจาบจ้อยแพ้นกเขาตู่
บ่คืนคู่ซู่เก่าบ่คืนคอน
คืนมาสาเจ้าอย่าสิจากจร คืนมา คืนมา
นกจาบจ้อยเอิ้นคู่กะบ่หัน
ใจอ้ายมันฮำฮอน ยังฮำฮอน
นกจาบแม่บอกคืนฮังนอนบินเจ้ยเจิดหนี

นกจาบแม่บอกคืนฮังนอนบินเจ้ยเจิดหนี