เนื้อเพลง: คอยน้องคืนนา
ศิลปิน: สม ตะวัน
อัลบั้ม: เพลงใหม่ 2560 / 2017
คิดฮอดเจ้าหลาย ขวัญใจอ้ายฝากเสียงมา
หรือลืมแล้วบ่สัญญา
ทิ้งนาพ่อแม่ ปล่อยแกนั่งเหงา
ได้ยินเสียงนี้ คนดีให้คืนบ้านเฮา
ทุกวันอ้ายนั้นนั่งเหงา คอยน้องนงเยาว์เจ้าคืนบ้านนา
ลมวอย ๆ คนคอยน้อยใจจัง
น้ำตาหลั่ง นั่งเศร้าถ้าเจ้าคืนนา
เจ้าจากไปหลายปี ไม่มีข่าวคราวส่งมา
พ่อแม่คอยลูกสาวหล่า
สิกลับคืนมาเยี่ยมพ่อแม่
นี่เจ้าไปมิดจ้อย ลืมคนคอยบ่มาถามมาแว
ทุกวันอ้ายเฝ้าชะแง้ คอยแต่น้องนางคืนนา
กลับสาหล่า คืนมาบ้านเก่า
พ่อแม่ยังถ่าเจ้า แลงเซ้าจ่มหา
ฝนจากฟ้ากะเลยผ่านเป็นหนาว
สาวนาไปหลายปีข่าวคราว บ่มีซ้ำ
สุดช้ำหนุ่มนารอยคอย
ลมหนาววอย ๆ พึ่งพาใจหม่น
นั่งมองนาน้ำตาอ้ายหล่น
ย่านเจ้าไปหลงกล คนร้อยเล่ห์อยู่เมืองหลวง
กลับบ้านนาเถิดน้อง อ้ายมองทางสาวนา
หากได้ยินเสียงลอยลมมา เอิ้นกานดากลับอีสาน
บ้านเราหนาวแล้วน้อง พ่อแม่แก่ชรา
ท่านมองทาง คอยน้องนางคืนนา
วันเดือนปีเลาถ่า บ่เห็นขวัญยืน
เห็นแต่ลูกคนอื่นนั้นกลับมา
เจ้าไปอยู่ไสหล่า อ้ายฝากเสียงมาเอิ้นเจ้ากลับอีสาน
วอนลมต้าน ลอยมาบอกข่าว
ว่าบ่าวคนถ่าน้อง เจ็บซ้ำสำใด๋
นั่งฮ้องไห้ อยู่อย่างบ่มีหวัง
หากได้ฟังเสียงลำ อย่าใจดำให้คืนบ้าน
ข้อมูลลิขสิทธิ์
คำร้อง/ทำนอง: โอ๋ พจนา
เรียบเรียง: ห้องอัด แฮปปี้สตูดิโอ
สังกัด: คนอินลำ เรคคอร์ด