เนื้อเพลง: เอิ้นขวัญให้อ้าย
ศิลปิน: อ๊ะอาย สกุณาพร
อัลบั้ม: เพลงใหม่ 2567 / 2024
เห็นอ้ายหน้าล่า ฟายน้ำตาหลั่งหลีหลั่งล่าย
น้องหนิเป็นห่วงหลาย ถามข่าวอ้ายว่าเป็นหยังน้อ
ผัดว่าถืกถิ่มเบิดแฮงสิยิ้มคอตกเตาะเซาะ
คิดหลูโตนชาด ใจอ้ายแท้น้อ
เซาไห้สาเนาะอย่าท้ออ้ายจ๋า
อินทร์พรหม ยมฟ้า เอิ้นเอาขวัญมาสู่คิงของอ้าย
อยู่ดินแดนด้าวเดิ่นดอนทางได๋
ให้มาไวไว สู่ใจเจ้าเด้อ
ขวัญถืกเขาต้มเหยียบย่ำลงตม ให้ฟ้าวมาเยอ
ย้าวย่างหยับย้วย ย้ายคิงมาเยอ มาเยอขวัญเยอ
เอิ้นขวัญใจอ้าย อย่าพ้อสิ่งหาญ อย่าพาลสิ่งฮ้าย
แต่นี้ต่อไปมีแต่แนวดี สิอยู่เคียงข้างคุ้มคิงของพี่
เซาไห้สาตี้ ใจอ้ายสิเมื่อย
โอ้ยเด้น้อ เด้น้อ ใจของอ้ายพังสลายเบิดท่า
ใจของอ้ายพังสลายเบิดท่า
ฮู้อยู่หนา แต่กะจักสิแก้ส่อยอ้ายจั่งได
บอกกะได้กะส่ำบอกนั้นละหวา
อ้ายกะยังห่วงหาอยู่นำเขาพุ้น
บุญของอ้ายมันขาดสายทางฮัก
บุญของอ้ายมันขาดสายทางฮัก
อ้ายฮู้จักน้อละแม่นฮักแท้ แต่เขานั้นบ่พอ
ฮู้จักพอคือสิบ่เป็นแนวนี้ หลูโตนพี่ผู้ใจฮักมั่น
กะสันกะเสี่ยวเลี้ยวไปทางใหม่
กะสันกะเสี่ยวเลี้ยวไปทางใหม่
อ้ายเลยได้นั่งไห้ น้อก้มหน้ากู่ซู
คาดสิแม่นคู่ฟ้าเพิ่นสิยู้ให้อยู่นำกัน
กฏของสวรรค์บ่บัดบ่ายบั้นเบี่ยงเบนเข็ญจ่อง
แม่นอยู่ไกลฮ้อยโยชน์กระโดดดุ่งดั้นมาเป็นคู่ครอง
แต่อ้ายน้ำตานอง ย้อนว่าบ่แม่นคู่เขา
เอิ้นขวัญให้เจ้าอยู่นำเขาให้มาสาพี่
พื้นปฐพีแม่นขวัญไปลี้อยู่ดงอยู่ป่า
ให้ขวัญใจของอ้ายมาอยู่นำน้องจ่องฮักเข้ามา
น้องสิอาสา ฮักแพงเบิ่งแยงใจพี่
เช็ดสาน้ำตาของอ้าย เช็ดสาละน้ำตาของอ้าย
บ่พอสิตายเขาถิ่มซือซือ ถืกถิ่มซือซือ โอ้ยถืกถิ่มซือซือ
อย่าเว้ายากหลายอ้ายจ๋าผู้ขี้ดื้อ ขี้ดื้อผู้ขี้ดื้อ ขี้ดื้อ
โอ้ยน้อพ่อบักหรรม หมดเวรกรรมถูกเขาตั๋วต้ม
น้องสิก้มเก็บใจของอ้าย มาเจียระไนให้ใสจ้า
มาเจียระไน ให้ใสจ้า