เนื้อเพลง: แม่กลองสองใจ
ศิลปิน: ซีแกรม โตเกียว มิวสิค
อัลบั้ม: เพลงใหม่ 2567 / 2024
อ้ายกลับคืนมา ถิ่นเมืองแม่กลองแล้วเด้อละคำ
แดนสมุทรสาครมาหาคนงามผู้แก้มตูหลู
ย้อนต่าวคืนเทื่อนี้ สาวแม่ค้าผู้ขายปลาทู
เจ้าผัดหลอยมีคู่ ไปฮักกับบ่าวราชบุรี
บ่าวอีสานคนนี้ น้ำตาย้อยละหยั่งลง
จุดประสงค์เทียวทางมาว่าขอหมั้น
บ่าวอีสานไกลถิ่นถวิลหา
เสียแฮงอ้าย นั่งรถเดินทางมา
ส่ำมาลา สัญญาใจ สาวแม่กลอง
ซังฟ้ากะบ่เอิ้นสั่งฝน บ่หลูโตนทางอ้ายบ่น้อ
ก่อนลาเจ้าสัญญารอ อ้ายอยากพ้อจั่งงอโงคืน
เฮ็ดหัวใจอ้ายม้อย จนล้าหล่อยไถลลงหมื่น
วังน้ำแม่กลองบ่ซื่น ยืนไห้สะอื้นอยู่ริมสายธาร
สาวถิ่นเมืองลิ้นจี่หวาน บ่าวอีสานจนหลงคารม
สุดท้ายน้องมาหลอกต้ม ตั๋วอ้ายจ่มหาเช้าหาแลง
ตั๋วอ้ายอ่วยคืนมา ว่าสิถ่าอ้ายมาหมั่นแต่ง
เป็นหยังน้อหล่าคำแพง มาปั้นมาแบ่งใจให้ผู้อื่น
เอาเด้อ ส่างนั้นล่ะส่างบ่จำคำเกี้ยว
มันเป็นเดียวคืนบ่ห่าง แท้ละน้อนางเอย
มีแต่จำให้ฮ้าง คาข่องป่องใด
ถิ่มหัวใจลงวังแม่กลอง
ใจของอ้ายลอยล่องเจ้าบ่ข้องเกี่ยวนำ
เสียนั้นล่ะ เสียเวลาอ้ายข้ามน้ำกระแสลัดล่อง
พุ้นล่ะเด้นางเอ้ย จั่งว่ากว้างต่อกว้างอ้ายกะข้ามล่วงมา
เจ้านั้นเด้อส่างไลฮ่มบักค้อ ไปกินหน่วยผลละมุด
เจ้าส่างไลลาสุดกิ่งแซงแขนงเน้ย
เจ้านั้นล่ะ เจ้าส่างไลลาถิ่นนาดอนขี้กระต่าย
แท้ละน้อนางเอย ไปเอานาท่งกว้างทางพุ้นราชบุรี
ให้อ้ายนี้ยืนน้ำตาย้อย คันไหลเป็นฮอยขี้ดินเปื้อน ขี้ดินเปื้อน
นับปีนับเดือนจนล่วงเลือนเข้ามา
คิดฮอดมื้อสัญญาหน้าวัดเพชรสมุทร
หลวงพ่อบ้านแหลมมื้อนี้ลูกหัวใจทรุด
สาวแม่กลองมาหยุด ฉุดหัวใจของลูกพังลง
ช่ะเออเอิงเอย ละช่ะเออเอิงเอยละคนงามอย่างน้อง
(ช่ะเออเอิงเอย ละช่ะเออเอิงเอยละคนงามอย่างน้อง)
รูปผ่อง รูปผ่องละสองใจ รูปผ่าง รูปผ่องละสองใจ
เออเอ่อเอิงเอย
พี่ขอถอนสัญญาที่เอ่ยวาจาละสัญญากับน้อง
(พี่ขอถอนสัญญาที่เอ่ยวาจาละสัญญากับน้อง)
สาวแม่กลองน้องลืม พี่ต้องยืนซึม ละเพราะน้องมีใหม่
ไหว้ปู่เวสสุวรรณละสองเราวันนั้น ละที่วัดจุฬา
ไหว้ปู่เวสสุวรรณละสองเราวันนั้น ละที่วัดจุฬา
โอ๊ยปู่อย่าโกทา ลูกขอถอนสัญญาละกับสาวแม่กลอง
แม่กลองสองใจน้อหล่า
แม่กลองสองใจน้อหล่า
สาวอัมพวาเอาบ่ใจพี่
สาวบางคนทีคือสิบ่หลอกต้ม
คือด้ามดั่งแม่กลอง
อกหักรักน้องแม่กลองร้าวราน
ขอกลับอีสานแล้วเด้อน้อง
คืนเมืออีสาน แล้วเด้อน้องเอย