เนื้อเพลง: ขัวหอย
ศิลปิน: ไหมไทย หัวใจศิลป์
อัลบั้ม: เพลงใหม่ 2560 / 2017
ขัว ขัว ขัว ขัวหอย
ลมพัดวอย ๆ สิไปขัวหอยอยู่กลางทุ่ง
ชีวิตขึ้น ๆ ลง ๆ
แบกเสียมสอดกระต่าน้อยคุผ่ง
ชวนหมู่ลงทุ่งพากันไปขัวหอย
ขัว ขัว ขัว ขัวหอย
ลมพัดวอย ๆ สิไปขัวหอยอยู่กลางทุ่ง
ชีวิตขึ้น ๆ ลง ๆ
แบกเสียมสอดกระต่าน้อยคุผ่ง
ชวนหมู่ลงทุ่งพากันไปขัวหอย
หน้าแล้งดอกจานสีแดงคับทุ่ง
ฟ้าวย่างด่ง ๆ ชวนหมู่ลงนาทุ่งน้อย
ไปบ่อีหล่า สิพาไปขัวหอย
เอามาต้มมาก้อย กินกับตำบักหุ่ง
สุดยอดอาหารแดนที่ราบสูง
อาหารบ้านทุ่ง ตำบักหุ่งต้มหอย
บ่ร่ำบ่รวย กะซางหัวมันเถาะ
แต่แม่แต่พ่อ เพิ่นเป็นผู้พาขัวหอย
หากินพอได้อิ้มท้องน้อย
ชีวิตบ่เลิศลอย คือจั่งคนในกรุง
หน้าเดือนหน้าชีวิตคนบ้านทุ่ง
หลังจากหยุ่ง เกี่ยวข้าวแล้วไฮ่แล้วนา
หากินไปตามประสา
คือนกคือกา หากินพอซามค่ำ
ขัว ขัว ขัว ขัวหอย
ลมพัดวอย ๆ ไปขัวหอยบ่คนงาม
ผู้อยู่เฮือนก็ฝานบักหุ่งไว้ตำ
บักเขียบักเหล่นกะเตรียมไว้ใส่จาน
ลงแขกกินเกลี้ยงเป็นประเพณีไทบ้าน
บักพริกกระเทียมกะเด็ดไว้ใส่จาน
ขาดบ่ได้อีหลีนั้น กะคือปลาแดกในไห
หอยขัวหอยโข่ง ล้างให้เกลียงม่อยหล่อย
ล้างให้เกลียงม่อยหล่อย เด้อหอยน้อยหอยใหญ่
ซาวน้ำล้างให้หน่อย ๆ ได๋
ต่อยก้น ต้มน้ำ ค้างไฟ
ใส่ข่าตะไคร้ ตักเกลือใส่จักซ้อน
หอยเน่าบ่เอาเด้องามงอน
หอยเน่าบ่เอาเด้องามงอน
พออยากแล่นบุป่ามอน คั่นได้กินหอยเน่า
เหม็นจนหื่นดั่ง ทั่งดั่งปิ๊ด ๆ ผุ้นเด้อเจ้า
คั่นได้กินหอยเน่า หมู่เจ้าสิสะอื้น
แซบกะอยู่กับบักหอย กินกะอยู่กับบักหอย
แซบกะอยู่กับบักหอย กินกะอยู่กับบักหอย
อย่าลืมล้างให้เกลียงม่อยหล่อย
ล้างให้เกลียงม่อยหล่อย เด้อหอยน้อยหอยใหญ่